Asociación Clúster de Telecomunicaciones
Euskal Autonomia Erkidegoko Elektronika eta Informazio Teknologien Industrien Elkartea da GAIA. Irabazi-asmorik gabeko erakunde pribatu eta profesionala da, 1983an sortua. Gaur egun, 170 enpresak osatzen dute, guztiak ere elektronikari, informatikari eta telekomunikazioei loturiko produktuak eta zerbitzuak eskaintzen dituztenak.
Sektoreko enpresek zuzentzen dute GAIA, Zuzendaritza Batzordearen bitartez. Halaber, Lan Batzordeak daude. Horietan hausnartzen eta hartzen dira sektoreko enpresak, elkartea eta gure ingurune sozioekonomikoa egoki garatzeko behar diren erabakiak.
Elkarteko enpresen zerbitzura lan egiten du GAIAk, eta lankide-sare zabala du, herrialde askotan hedatua, baita hitzarmen tekniko eta komertzial ugari ere. Bazkide eta nazioarteko proiektu gehiagoren bila dihardu GAIAk, sare komertzial berriak eraikitzen, teknologia partekatu eta transferitzen.
